Шолжа кхален хьунашка, 22 наха шоай лоӀамагӀа хьалъяь гӀишло дӀаяьккхар
Ӏалама тароний, экологе министра Хьулахой Саварбика тӀадиллача декхарах, шин дийнахьа Шолжерча хьунболхлоша, Шолжа хьуна цӀи йоаяра центраца, 22 гӀишло дӀаяьккхар, уж хьалъяьяр наха, шоаш леладер харцахьа дале а, Шолжерча хьун даькъ тӀа, яхаш, дийцар «Сердало» газетага ГӀалгӀай Республикан Ӏалама Министерстве.
Хоам бу, уж кхоаленаш хьалъяьраш бар хьонк боаккха хьунагӀа уха нах. Цудухьа хьалхарча аргӀагӀа Ӏалама Министерствон болхлоша царна хьалхадаьккхар, оашош хьаяь кхоаленаш дӀаяха, аьнна. Белгалдаккха дезаш да, цу хьисап доацача наха, уж хьалъеш, дукха къона гаьнаш кагьяь хилар.
Ӏалам лорадара Министерствон дехарга, цу наха вӀалла ла а дувгӀанзар, хӀаьта Ӏаьдала болхлоша уж дӀаяьхар шоаш.
«Цар хьалъяьча кхоаленаша хьунагӀара моттигаш а бӀехъяьй: нувхаш Ӏоаяьй, йокъаелча цӀи ялара кхерам болаш я уж. Цу тайпара болх еррига нувхаш дӀаяьха баллалца дӀабахьа безаш ба», - аьлар Ӏалам лорадераша.
