Шин чарха тӀарча гӀирсашца фийла хилара тӀахьех бахархой
Госавтоинспекце болхлой Магасерча ОГИБДД къахьегамхошца, «Аьрзи» яхача мотоклуба доакъашхошца; «Кизгаш чу хьежа!» яха болам дӀахьош хилар. Из хоам «Сердалога» шахьара администрацера бир.
«Боламга гӀолла машинашца лела бахархой мотоциклаца е кхыболча шин чарха тӀарча гӀирсаца боагӀараш зувш, фийла хилара тӀахьех тахан», - йоах тхогарча хоамо.
Машинашца лелараша массахана зе веза мотоциклаца воагӀар. Шин чарха тӀарча гӀирсаца хинна хатар дукхагӀа йолча моттигашка чӀоагӀа хала хулилга хов вайна массанена. Из бахьан долаш, наькъашка фийла хила веза. Из деррига белгалдеш дола каьхаташ дӀадийкъар Магасе. Наькъашкара бокъонаш лораеш хилара тӀахьех бахархой. Скутерца, мопедаца, мотоциклаца лелараша мотокийнаш, лоравеш бола гӀирс лелабе беза. Из чӀоагӀа лоархӀаме да, моллагӀа хатар хилча сага дегӀ лорадара тӀехьа.
