Магасе дӀахо хьалъеш я паччахьалкхен филармони
Магаса 17-ча микрорайоне дӀахо дӀахьош ба, ГӏалгӀайчен керда паччахьалкхен Хамхой А. цӀерагӀа филармони хьалъяра болх. Таханарча денна из кийча я 50%, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша.
Филармони хьалъеш я, «Дезалера мах бараш, культуран дакъа» яхача федеральни программа чуйоагӀаш. Тахан гӀишлонхой бӏоагӏий чӀоагӀдеш, тӀера тхов къовлаш, чура лагӀаш хьалдеш, инженерни хьалий арахьара балхаш доахаш ба. Цул совгӀа, цунца цхьана дӀахьош ба котельни, хӀама чулоаттаю доккха гӀирсаш хьалдара болх; иштта ков тоадеш, баьццара гаьнаш дӀайогӀаш ба цига.
Белгалду, шоай доалахьа филармоне гӀишло ца хилара хаттар дийцар 2021 шера Федераце Совете, цига проект хьаллаьцар СФ спикера Матвиенко Валентинас. Ахча хьахьожадир 2023 шера, цу хана дӀаболабир из болх.
«Филармони хьакхеллай 1993 шера, хӀанз хургья цун ший доалахьара гӀишло, эшаш мел долча хьалашца Ӏалашо яь. Цо таро лургья ГӏалгӀайченна концерташ, фестивалаш лакхача боарам тӀа дӀаяхьа», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
Культуран центра керда гӀишло хьалъяь яргья 2026 шу чакхдоалаш.
