СВО вахар хаьдача бӏухочун цӏен-нана Боканаькъан Аза даькъалайийцар кхалнаьха цӏайца
06.03.2026 15:20
Республикерча Россе Вахара оагӏонцарча ганза кулгал деча Йовлой Зубайра терко йир тӏема операцена юкъе вахар хаьдача бӏухочун цӏен-нана йолча Боканаькъан Азайна.
«Йовлой Зубайра доккха баркал аьлар Боканаькъан Мустафай цӏен-нанна, иштта берригача ноаношта, исташта; йоккха хало тӏакхаьчайоллашехь, боха ца бохаш, сатохаш хиларах. Даьхенах дог лазаш йола тӏехье ураоттаяра тӏехьа къахьегаш болча кхалнаха баркал кхайкадир хьакима. Иразе, беркате, могаш-маьрша болаш баха даькъалабийцар цо уж», - йоах СФР зарбан болх лелаберашкара кхаьчача хоамо.
«Шо иштта денал долаш хиларах, доккхал ду оаха массане! Шортта беркат хилда шун вахаре, укх хозача бӏаьстан деношца дог делаш хилда шо», - аьлар хьакима.
