«Машиний водителашца къамаьл деш, полице болхлоша теркалдир тӀехкараш дӀа ца тохарах, дукхагӀа дола зуламаш нийслуш хилар, цу дийнахьа царна дукха гучабаьлар наькъа кхерамзлен Ӏалашо еш дола тӀехкар дӀа ца тохаш боагӀа водителаш. Кхетаче дӀахьош, полицейскеша хьалхадаьккхар, машинаш сиха хехкаш хилар харцахьа долга, духьалйоагӀача машина наькъ тӀа ца воалаш, лоравала везаш хилар», - аьлар «Сердало» газетага ГӏалгӀай Республике гӀолла йолча чурча гӀулакхий Министерствон зарбан болх лелабераша.

МагӀалбикерча №2 йолча ишкола къонача инспектораша кӀоаргга Ӏомадир из хьал: машинаца воагӀаш, новкъа лелара бокъонаш лорае езаш хилар. Из бахьан дукха зуламаш дувлаш хилар хьалхадаьккхар боккхагӀчарна, уж тӀахьийхар цар бехктокхаме хилара.