Реклама еш дола гӏулакх мишта хила деза хьалхадоаккхаш ба Магӏалбике
Хӏама нахалдаккхарца (рекламаца) дувзаденна хувцамаш белгалдеш, болх дӏабихьар тахан Магӏалбике. Доалахьарча хӏаманцара, лаьттан доазошцара болх лелабеча оагӏон болхлоша, бизнес лелаерашца къамаьл деш, рейд дӏайихьар».
Рекламаца цхьацца хувцамаш юкъедоаладаьд тахан. Доазол арахьарча мехкий дешаш хила йиш яц реклам еча улгаш тӏа, баннераш тӏа. Гӏод тохар хургдоацаш, цу оагӏонцара болх мишта лоаттабе беза хьийхар хӏама хьадерашта», - дийцар «Сердалога» Магӏалбикерча администраце. Реклама еш дола улгаш, баннераш, каьхаташ ханнахьа меттадоаладе деза, бизнес лелаераша шоашта гӏод тохаргдоацаш, уж хӏамаш ӏойоахаргйоацаш.
Бокъо лораеш боацарашта 20 000 эзар сомагара 500 000 эзар сомага кхоачаш гӏод тохаргда. «Бизнесацара хӏама бокъоно дӏадеххача тайпара хьаоттадаь хила деза, цудухьа цу оагӏонца къахьегарашта гӏо де гӏерт тхо, де дезар хьалхадоаккхаш. Шахьара куц толхадеш, бокъонаш йохаеш хила йиш яц хьалйийтта йоахка реклам еш йола хӏамаш», - дийцар тха газетага.
