«Аьрзелг-эколог» яхача наькъа юхьиг дӏайолайир Магӏалбике
Брригача мехка «Россе аьрзелгаш» яхача проекта «Аьрзелг-эколог» яхача гӏулакха юхьиг дӏайолайир Магӏалбикерча №5 йолча ишколе. Даьхенах дог лазаш долча берашта, бокъонца дола цӏай хилар цох. Дала хьаденна беркате ӏалам лораде дезилга белгалдеш яр цигара кхетаче.
«Бераш ӏомадергда нувхаш дӏа-хьа къоастаеш хила, доазув цӏендеш боламаш доаржаде, гаьнаш дӏайогӏа, ӏалама моттигий хам бе, шоашта ховр кхычарца декъа. № 5 йола шахьарера ишкол иштта дола гӏулакхаш хьаллацара тӏехьа цӏихеза я. Ший хьинар, низ гойта йиш я цун цу кердача гӏулакхага гӏолла. «Аьрзелгашта-экологашта» боккха пайда беш оагӏув хилба цох», - дийцар «Сердалога» цу моттигера.
Кхувш латташ йола тӏехье ӏалама моттигаш, экологе хьал лораде ӏомаяр вай лоархӏаме декхар да. Хьехархоша белгалдечох, бераша дикка пайда эцаргбола оагӏув ба из. Царга хьежаш экологически боламаш, цхьацца тохкамаш, шахьара куц тоадергдола дика гӏулакхаш да.
