МагӀалбикерча дарбанче кхелхар цӀагӀа цӀи яьннача човнаш хинна Инаркъера кхалсаг
14.11.2024 13:27
Лайчилла бетта 7-ча дийнахьа МагӀалбика кхален Инаркъе цӀи яларах ши бери нанеи делар.
Из кхалсаг укх деношка МагӀалбикерча центральни дарбанче сецар, цӀеро яьча човнех.
ЗӀамига кхо шу даьнна кӀаьнк велар лорий сихача гӀон машин хьакхачалехь, доккхагӀа дола бер делар дарбанче. ХӀаьта кхалсаг ше чӀоагӀа хала яр, лораш шоашта могар дир из кӀалхаръяккха гӀераташ.
Цига таьзета ваха хилар ГӀалгӀай Республикан Паччахьалкхен вице-премьер Йовлой Мухьмад, цо кодам бийцар цун гаргарча нахага.
Белгалдоаккх, цӀи ялара бахьан дар тока саьрг лотабалар, цунца цхьана тхов лотабалар.
