ЖКХ болхлой безбеш, кхетаче хилар Магӏалбика кхале
ЖКХ болхлой Денна хетаяь кхетаче дӏахьош хилар Магӏалбика кхален администраци. Администраце кулгалхочун гӏонча вола Къоастой Руслан волча гулбелар, хӏара дийнахьа моллагӏа хаоттам латте а кхален моттигашка лостам бе арабувлараш.
Шоашта хьалхашкара атта доаца декхараш цар бехктокхаме, дизза кхоачашдарах; доккха баркал аьлар царна Къоастой Руслана. Цо белгалдир, тахан цар дӏахьош бола болх доккха сабар, хьинар эшаш болга. Ара догӏа, лоа, ша бале; мичча хана шоай гӏулакхе арабовла кийча хила бза нах ба уж.
«Грамоташ енна, доккха баркал кхайкадир царна. Цул совгӏа, ЖКХ оагӏонца къахьегаш мел барашта Магӏалбика кхален доазон тӏа лоастам лоаттабарах кхачан тӏормигаш дийкъар», - дийцар «Сердалога» кхален администраце. Могаш, маьрша болаш; иразе, беркатаца, аьттонца баха даькъалабийцар хьакима вай массане лерхӏам бе беза уж хьинаре нах.
