МагӀалбика кхале дӀайихьар АТК аргӀанара кхетаче
ГӏалгӀайчен МагӀалбика кхале дӀайихьача терроризма духьаларча комиссе керттерча темах цаӀ яр терроризма, экстремизма духьале яр; иштта кхерамзленна Ӏалашо яр дешара шу долалу Ди хьатӀадоагӀаш. Кхетаче дӀайихьар бокъонаш лораераша дакъа а лоацаш, цар дийцар латтача хьалах а де лерхӀачох а лаьца, дукха кхетаченаш дӀаяхьа езаш хиларца дувзаденна.
АТК кхетаче керттера терко тӀаяхийтар, кагирхошта юкъе во гӀулакхаш даржаргдоацаш бе безача балха. Докладаца къамаьл дир кхален культуран, иштта дешара даькъ тӀарча викалаша; цар белгалдир, шоаш кагирхошта юкъе зулам цадаржийтара уж тӀахьехаш дӀахьош бола болх дукхагӀа боаржабеш къахьегаш хиларах. Къаьстта дийцар юрташка экстремизма, терроризма хьал юхатохара хаттараш даим теркалдарах. Дола-Коа, СоагӀапча яхача юртий администрацей кулгалхоша шоай балха даькъ тӀа даьха толамаш довзийтар, терроризма хьалаш цадаржийтара болх вӀашагӀболлара йола оагӀонаш белгал а еш, уж юстардоахаш хиларах дола масалаш доаладеш», - аьлар «Сердало» газетага МагӀалбика кхален администраце зарбан болх лелабераша.
Духьале яр терроризма, экстремизма, цар таронаш йохаяр, иштта мехкарча юрташка бахача наха кхерамзлен Ӏалашо яр, из да ГӏалгӀайчен Ӏаьдала хьалхарча аргӀагIа шийна хьалхашка оттаду декхар, дӀахо лаьрхӀад ГӏалгӀайчен лаьтта кхы бала ца боссийта, цунна духьалара низ чӀоагӀбе.
