ЦӀерцарча хатарашта духьала, болх беш ба МагӀалбике
МагӀалбика кхален администраце дӀайихьача кхетаче дийцар, бахархой вахара хьал аттачахьа даккхарах, цу юкъе дар моттигашкара санитарни хьал лорадарах, цӀерцарча хатарашта духьала болх дӀакхахьарах, хий доацаш хала кхестача наха машинашца хий тӀакхахьарах.
«Сердалога» беча хоамах, кхетаче дӀахьош хиннача кхален кулгалхочо тӀадиллар юрташта, шахьара гонахьарча моттигашка лаьттан оасаш оахаш, цӀи дӀа-хьа яржаргйоацаш кийчо яр, МЧС болхлошца массахана бувзаме хила, аьнна. Кхален моттигаш нувхех, наькъа оагӀонаш йоархӀех, кӀотаргех цӀенъе аьнна соцам бир.
Иштта, хий доацаш бисарашта хий ца гоадеш тӀакхахьа, цу балхах шийга хоам беш хила, аьнна, тӀадиллар кхален кулгалхочо Къоастой Ӏаддал-Хьамида.
«Уж декхараш боаггӀача боараме кхоачашдеш, къахьега деза вай», - аьлар МагӀалбика кхален хьакима.
