Дешара моттигашта юхерча наькъаштӀа, басарашца белгало еш баьхкар болхлой
21.08.2025 14:34
Керда дешара шу хьатӀаоттарца, ишколашта юхерча наькъашка къоастам беш, басараш кердадоахаш ба МагӀалбика кхалера цу оагӀонцара болхлой. Хила еззача беса, тоаяь дӀаоттайир уж моттигаш.
«Ара боад, моллагӀа хаоттам эттача дикка гуш хила еза къоастам баь моттигаш», - дийцар «Сердало» газетага МагӀалбикерча администраце болхлоша.
Наькъашкара кхерамзлен хьал лорадара тӀехьа дӀахьош, лоархӀаме болх ба из. Бераш дехьадувлача наькъий хьал боаггӀача боараме хила деза, хӀаьта дешара шу долалуча хана, къаьстта йоккха терко е еза цу хӀаманна.
