ЖКХ оагӏонцара декхараш дикагӏа хьагулде баьннаб Магӏалбика кхале
10.03.2026 16:50
Газах, токах, хих тӏалатташ дола декхараш хьагулдара тӏехьа рейд дӏахьош хилар Магӏалбика кхалерча Вежарий-Юрта. Моттигерча администраце викалаш, иштта цу оагӏонцара болхлой бар арабаьннараш.
«Бахархошта хьалхадаьккхар тӏалатташ дола декхар ханнахьа дӏадалар лоархӏаме долга, къаьстта терко йир хих доагӏар дӏателара. Белгалде деза, иштта йола рейдаш Магӏалбика кхален моттигашка каст-каста дӏакхухьаш йолга. Хьаӏайна декхар рейд дӏахьош хиннарашка дӏадала аьттув бар бахархой», - дийцар «Сердалога» цигарча администраце.
Ха яхача, арабаьнна лела ха йоацача бахархошта аьттув болаш хилар иштта декхар дӏадала йиш хилар. Кхален администраце бахархошка кхайкарал ду; тӏалатташ дола декхар ханнахьа дӏалуш, цу оагӏонцара бокъонаш лоархӏаш хила, яхаш.
