Магӏалбика кхале дӏахо дӏахьош ба хий лоаттадара хьал тоаду болх
Гӏалгӏайчен Магӏалбика кхале кхоачашъеш я, хица ӏалашо яра дакъа цӏенхаштта тоадара проект. Къаьнара инженерни гӏирсаш хувцар дӏахьош да республикански гӏишлошъяра Министерствон дехарах, «Коммунальни даькъ тӏа хувцамаш дар» яхача программанна чудоагӏаш. Республикан хица ювзаенна ворхӏ моттиг кердаяккхара хьахьожадир 246 миллион сом. Доккхий балхаш даь даьннад кхален шин юрта: Аьккхий-Юрта, Махьмад-Хи тӏа. Из болх дӏахьош говзанчаша хийцар деррига къаьнара хин доакъош, дукхача шерашка болх беш хургйолча турбашца. Цо таро лу хий кӏезигагӏа доаде, иштта бахархошта коммунальни хьалаш дикагӏа лоаттаде.
«Хӏара шу массаза доал, вай республике хувцаш я къаьнара хин турбаш. Наьха вахара хьалаш тоадар тийша да инженерни гӏирсаш дика болх беш хиларах, цудухьа хин боахама гӏулакх тоадар, кердаёдаккхар тхона лоархӏаме да. Аьккхий-Юрта, Махьмад-Хитӏе цӏенхаштта цу лостмагӏа яккхар дувзаденна да турбаш лелхаш хургйоацаш йоацаш лора ярца, наха болх баь тоаяр лоархӏаме да, хий дӏакхоачаш хилийтара. Цу гӏулакха хьаденна 246 миллион сом хиларо таро лу кхы а Магӏалбика кхален пхе юртара тишъенна турбаш хувца: Юкъерча Ачалкхера, Дола-Коара, Инаркъера, Южнера, иштта Заьзгакъонгий-Юртара», - аьлар гӏишлон министра Иленаькъан Мусас.
«Маяк» ООО болхлоша Аьккхий-Юрта керттерча 10 урам тӏа болх бир: Колхозни, Осканаькъан, Заьзгакъонгий,Овшанаькъан, Советски, Ишкола, Партизаний, Фестивала, Молодёжни, Мира. Цу даькъ тӏа 6 километр керда турбаш чуяьхкар, иштта 13 цӏера духьалара гӏирсаш оттадир. Цу контракта мах ба 24 млн сом.
Махьмад-Хи тӏа болхлоша деррига инженерни хьал хийцар. Из болх дӏабахьарах, моттигерча бахархой цӏеношка хий дика хьадоагӏа.
