Россе дешара министерствоца цхьана кхетаче дӏайихьар моттигерча министерствон болхлоша
Россе дешара гӏулакхех йолча министерствоца видеобувзамга гӏолла кхетаче дӏахьош хилар, вай мехкарча цу оагӏонцарча министерствон болхлой. Цига дийцар дешара оагӏонцарча паччахьалкхен политикаца дувзаденнарех, укх шера кхоачашде дезарех.
«Россе дешара гӏулакхех йолча министерствон хьалха латтача Кравцов Сергейс кулгал деш дӏахьош хиннача кхетаче дакъа лоацаш вар вай мехкарча министерствон кулгалхо Цхьорой Ахьмад-Башир; вай мехка балха гӏулакха баьхка дешара оагӏонцарча таьрахьашца ювзаеннача трансформацех йолча Федеральни института доакъашхо, института кулгалхочун гӏонча Обуховская Мария; моттигера болх дӏабахьа гӏо ду, бувзам лелабу викал Архипов Александр.
Федеральни оагӏонцара дешара проекташ йоаржаярах, федеральни институташца бувзам лоаттабеш болх дӏабахьарах, иштта кхыдарех дийцар цига», - йоах «Сердалога» министерствера бенача хоамо.
Белгалде деза, иштта дӏахьош йолча кхетаченаша вай республикера цу оагӏонцара болх тоабара тӏехьа дикка пайда белга.
