Къахьегамах йолча министерствос, ший карарча моттигий кхерамзлен хьал Лорадеш, болх бу
Терроризм яхача доккхача зулама духьалара болх чӏоагӏбеш ба къахьегамах, вахара оагӏонцара хӏама тоадарах йолча министерствон болхлой. Из хоам «Сердалога» цу моттигера кхаьчар.
«Мехкарча къахьегамах йолча министерствон кулгал деча Мутаӏаланаькъан Хьажбикара йоккха терко лоаттаю цу гӏулакха. Хан-ханнахьа массайолча моттигий хьал тохкаш, цу оагӏонцарча кхелаца кхетаченаш еш, моллагӏа тешаме доаца хӏама хоаделча де дезараш бахархошта хьалхадоахаш, болх лоаттабу мехка», - дийцар тха газетага.
Къаьстта йоккха терко е езарех я вай бераша ахкан хана салоӏаш йола «Аьрзи» яха лагерь. ӏаьдала болхлой юкъе болаш кхетаченаш дӏакхухь цига. Боаггӏача боараме болх дӏахьош хиларо аттачахьа доах цу оагӏонца дувзаденнараш. Хьалхашка латта декхараш дизза кхоачашде хьожаш къахьег цу моттиге тахан.
