2025-ча шу долалуш, тоабе лерхӀ Наьсарера Поляничко цӀерагӀа урам
13.12.2024 12:06
Наьсарерча Поляничко урам тӀарча квартирай цӀагӀара бахархой шахьара даьга леткъар; догӀа дийлхача массахана хиш латтача шоай урам тӀа асфальт билла, аьнна. Цу моттигага хьажа ваха хилар Оздой Руслан, ший балхарча тоабанца.
«Цхьадола урамаш тоадаро, шахьара керттера хьал паргӀатагӀа хулийт. Царех ба Наьсар-Кертен цӀи лелаер, Кравчука урамаш вӀаший хотташ бола Поляничко цӀерагӀа урам. 2025-ча шера хьалхарча бетташка тоае лерхӀ оаха из моттиг», - аьлар шахьара дас.
Иштта бахархоша дийцар, тока хьал цу ураме ма хетта доацилга. Цу гӀулакхах бехктокхаме болча болхлошта, ма хулла сихагӀа меттайоалае аьнна тӀадиллар Оздой Руслана ювцаш йола моттиг.
