ГӀалгӀай къаман
юкъара газет

Хьоашаланаькъан Махьмада 120 шу дизара хетабаь, гойтам хилар къаман библиотеке

ГӀалгӀай къаман литературан классик, поэт, прозаик, публицист хиннача Хьоашаланаькъан Махьмада 120 шу дизара хетабаь, гойтам дӀабихьар къаман библиотеке. Цун вахара никъ бувцаш дола каьхаташ, книжкаш дар гойтаме. Къаман литература мах лакха лоаттабеча мехкахошта, доккха совгӀат хилар цох.

«ХӀанз «Сийрда Ӏуйре», «Дагара иллеш», «Заман къулба», «Лоамашка сатассар» яха Хьоашаланаькъан Махьмада байтий гулламаш довза йиш я библиотеке баьхкарий.

«ГӀалгӀайчен йоазанхой», «ГӀалгӀайчен 100 йоазанхо» яхача книжкаш тӀа яздаьд цун кхоллама, вахара наькъах. Иштта оаха арахийцача методически гӀонна долча книжка тӀара довза йиш я цун балхаш», - дийцар тхога къаман библиотеке.

Лакха начӀал дола йоазанхо хиларал совгӀа, говза дош дола публицист хиннав из. Цун мел дола йоазош къаман культура, Ӏадаташ, истори довзийташ да. Даьхенцарча безамах, цун хозаленех дукха яздаьд цу воккхача йоазанхочо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде