Гӏалгӏайчен Къаман библиотеке болх беш ба Коталон Денна хетабаь гойтам
Янданаькъан Жамалдий цӏерагӏча Къаман библиотеке книжкай-каьхатий гойтам хьабийллар, из хетабаь ба Сийлахь-боккхача Даьймехка тӏем тӏа Котало яьккхача денна. Цига советски халкъа ӏоажал йоацача суро турпалал гойтар. Гойтамо къаьгга дувц, тӏема халача шерех, мехка къахьегамхошта карагӏдаьннарех.
«Къаьстта йола моттиг цига дӏалоацаш да гӏалгӏай къам Котало гаргайоалаеш дика дакъа лоацаш хиннилга.
Керттерча йоазонашта юкъе да турпала гӏулакхаш, иштта «Гӏалгӏайчен тӏема йоазув», «Гӏалгӏай Республикан дагалоаттама книжка», «Гӏалгӏайче Сийлахь-боккхача тӏем тӏа» яха тохкама балхаш, архивера тешалаш, го йиш я Магӏалбика боккхача тӏема юкъера лерхӏаме дакъа дувцаш дола йоазош», - аьлар «Сердало» газетага Гӏалгӏайчен керттерча библиотеке.
Уж книжкаш довзаро таро лу цу турпалча ханашка кхача, иштта машара хам ха.
