«Республикерча паччахьалкхен кулгалхочун гӀонча йола Саганаькъан Индира, прокуратуран болхлой, администрацешкара къахьегамхой, ООО «Экосистема» яхача оагӀон болхлой, Ӏалама гӀулакхахи экологехи йолча министерствонна кулгалду Хьулахой Саварбик, гонахьарча Ӏалама, экологен хьал лорадеча оагӀон хьалха латта Баркинхой Адам, иштта кхыбараш а бар кхетаче гулбенна», - йоах тхогарча хоамо. 

Республике хьалъеш латтача ТКО моттигах дийцар Ӏалама гӀулакх лорадераша. 2026-ча шера йистебала безаш ба из болх. Иштта белгалдир, шахьарашка, юрташка кхаьч-кхаьчача, бокъо йоацача моттигашка нувхаш йоаржаеча гӀулакха духьала дӀакхахьа безача балхах.

ОМС болхлоша, реоператора хьоахадир, контейнераш латтача доазонашкара уж дӀакхахьа еза ха кегаяь хиларах. Цу оагӀонцара болх боаггӀача боараме дӀахьош боацилга зийнача прокуратурас тӀадиллар, ма хулла сихагӀа из хьал меттадоаладе, аьнна. Бахархоша дукхагӀа нувхаш дӀакхувсаш йолча моттигашка, керда контейнераш оттаяь, доазош чӀоагӀдарах дийцар цига.

ООО «Экосистема» яхача оагӀон хьалхашка оттадир, ха ца йоаеш, реоператора тарифаца дувзаденнарашка хьажа, аьнна. Белгалде деза, тайп-тайпарча моттигашкара болхлой гулбенна дӀахьош бола из болх, вай Ӏалама хьал тоадара тӀехьа дӀахьош болга.