Халкъа Гулламе дӀайихьар 59-гӀа парламента йоккха кхетаче
ГӀалгӀайчен Халкъа Гуллама кулгалхочо ТӀумхой Мухьмада дӀайихьар 59-гӀа йоккха кхетаче. Цига дакъа лоацаш хилар хьалхагӀа санна ГӀалгӀай Республике гӀолла вола федеральни инспектор Гудов Залим, иштта республикан кхыбола викалаш.
Кхетаче дӀахьош, депутаташа ладийгӀар мехка дешара Министерствон, ЗАГСа балхага, уж иштта хьежар массехк законага.
Хьалхара дакъа дӀахьош, дийцар мехка шахьара гӀишлош хьалъярах, моттигерча администрацей бехктокхамах, социальни новкъостал лоаттадарах, хин таронаш лелаярах долча дешашца дувзаденнача законашка хьажа безилга.
Доакъашхоша иштта дийцар «ГӀалгӀай Республикан паччахьалкхен доалахьардар леладарах» яха законопроект кердаяккхарах.
Парламента зарбан болх лелабераша яхачох, уж хувцамаш юкъедоахаш хилара бахьан да, паччахьалкхен доалахьардар леладара болх а моттигаш хьаяхар а зоканага хьежжа къаьгга хургдолаш, уж тӀаьргашка гӀолла дӀахо дӀалуш а хургйолаш.
