Осканаькъан цIерах болча гон юхера доазув тоаде лерхI Наьсаре
26.12.2024 15:01
Осканаькъан цIерах болча гон юхера моттиг тоае, яхаш, бахархоша хьакимашка дехар ду, леткъа дукха ха яр. Шахьара мэр оарцагIваьлар, наьха хьашташ кхоачашде.
Шахьара администраце болхлошца, кхыболча хьакимашца цу моттигера хьал довза араваьлар из. ДогIан хиш Iоухаш дола канал, лостам боаца гонахье кердача куца тIа доаладар дIаьхденнад цхьацца бахьанашца.
Оздой Руслана белгалдир; из моттиг ма хулла кастагIа тоаяь хургья, аьнна. Хиш Iоухаш дола канал, кIоаргагIа Iочуаьхка, чура дикка хьацIенде деза, гонахьа лаьрххIа Iоакъаш яьхка, гом тоабергба.
Иштта, машинаш Iоувттае доазув а къоастадергда цига. Болх дIаболабаьб цига; кастта, йовзаргйоацаш, хоза хургья из моттиг.
