Наьсарерча Росгварде болхлоша, МЧС къахьегамхошца цхьана, цӀаьхха цӀерцара хатар ийккхача нах кӀалхарбоахаш дола гӀулакх мишта дӀадахьа деза шаьрдеш болх дӀабихьар. Из хоам «Сердалога» бир цу моттигера.

«ЦӀи йоаеш дола гӀирсаш мишта леладе деза, цӀера юкъера адам арадоаккхаш эггара хьалхарча оагӀонца лораде дезараш фуд Ӏомадеш, хилар кхетаче. Цига росгвардейцаша шаьрдир тока саьргашцара кхоачамбоацараш бахьан долаш яьннача цӀера юкъера нах арабахар, цӀи дӀайоаяр, лозаваьчунна хьалхара гӀо дар. Шоай гӀулакх дика чакхдаьккхар цар», - йоах хоамо.

Росгварде цӀерцарча кхерамзлен гӀулакхех болча оагӀон кулгалхо, капитан волча Маценаькъан Рамзана белгалдечох, Росгварде болхлоша шоай декхараш дизза кхоачашдир.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде