Наьсарера остановкаш тоаеш я
06.12.2024 09:08
Шахьара администраце зарбан болх лелабераша яхачох, нах юкъарча транспортага хьежаш бола моттигаш кердаяхара болх дӀаболабаьб.
Царех 15 моттиг тоае лаьрхӀад ер шу чакхдоалаш. Из болх хӀанз дӀахьош ба Дошлакъий-Юрта, Аьлтий-Юрта. Наьсарен мэра Оздой Руслана декхар оттадир, хӀара транспортага хьежаш нах латтача моттига чухьнахьа транспорт лела ха гуш бола хоам хилийта, аьнна. Из вӀашагӀдолларгда моттигерча Минпромсвязаца.
«Из болх чубоагӀаш ба шахьара, цун бахархой вахара хьалаш тоадара», - аьлар мэре.
