Наьсаре бекарга бетта Гарри Поттера исторе ашараш локхаргья
12.03.2026 13:40
Наьсаре симфонически оркестра концерт хургда, «Гарри Поттер тамашийнача дунен чу» яхаш. Из хоам «Сердало» газетага бир ГӏР Паччахьалкхен зарбан болх лелабераша.
«Бекарга бетта 2 дийнахьа 14:30 сахьат даьлча, ТЮЗа сцена тӏа хургья кердаяьккха программа, из хетаяь я Гарри Поттера цӏихезача исторе ашарашта.
Программанна чуйоагӏаш я наха дика йовзаш йола композици. Концерт дӏахьоргда симфонически оркестро, цо таро лургья кердача тайпара хоза дуне го», - йоах хоамо.
Ашараш езараш, царна мах оттабе ховраш, гӏоргба цунга хьажа, йицлургйоаца паргӏато хургья цар дегашка.
