Видеогойтамга гӏолла урамашка цӏено лорае аьттув боал Наьсаре
Наьсарера видеокамераш ма даггара болх беш я, массайолча моттигашта тӏахьожам лоаттабе аьттув луш. Из хоам «Сердалога» бир шахьара мэре зарбан болх лелабераша.
«Кхаьч-кхаьчача нувхаш ӏоувттаерашта тӏахьожам лоаттабеш болх ба тахан дӏахьош. Администраце къхело, Наьсарерча ЖКХ, шахьара кулгалхочун гӏончас цхьана вӏашагӏбелла болх ба из, шахьара урамашка лостам хилийтара тӏехьа. Видеокамераш ехка, гӏалатбаьннарашта гӏод детташ, массахана хьакхайкабеш, воча даьнна гӏулакх тоаде хьожаш ба шахьаре. Тахан вай зувш да-кх Наьсарен моттигаш хоалуш цӏенагӏа йолга», - дийцар тха газетага.
Бахархошта хьалхадоаккх, шахьара кулгалхоша цу гӏулакха дӏахо а лакха терко лоаттаергйолга. Камераш болх беш я, дага мел дехача моттиге нувхий тӏормигаш ӏоувттадеш дӏаухараш бехктокхаме озаргба.
«Цӏена шахьар - из болам бац, оамал я!» Шийна гонахьара моттигаш цӏена, лостам болаш хилар ловш хила веза вайх хӏаравар!
