Сийлахь-боккхача Даьймехка тӀем тӀа байнарашта, зизаш дохкаргда Наьсаре
08.05.2024 10:22
1941-1945-ча шерашка, фашист вохавеш лаьттача тӀема юкъе хиннараш дагалаьца; Наьсарерча дагалоаттама, сийлен Мемориале зизаш доахкаргда бахархоша. Политически оагӀон, юкъара болх лелабераша дакъа лоацаш, лоархӀаме моттиг хургья цох. Из хоам «Сердалога» бир моттигерча «Къонача гварде» доакъашхоша.
«Диззача диъ шера моастагӀа вохавеш, цун наькъаш тедаш, вай лаьттара из аравоаккхаш, лира тӀом беш лаьттача вай бӀухой хам баь даргдац вай цӀаккха а! Коталон денга хӀара шера хьеж вай, эггара лоархӀамегӀа дола цӀай да из вай дегашта.
БӀеха моастагӀа вохавеш лаьтта тӀема доакъашхой, цӀаккха а бицбе бокъо яц вай!» - аьлар «Къона гварди» яхача оагӀон доакъашхо волча ТӀолданаькъан Ислама.
