Наьсарерча Советски оалача урамера хин турбаш хувцаш боахк тахан
Къаьнара, шоаш дуаргдар диа яьнна хин турбаш хувцаш, болх ба Наьсаре дхьош. Аьлтий-Юртарча Советски оалача ураме къахьегаш боахк тахан болхлой. Шахьара администраце, хин оагӏонцарча Цаӏ волча оператора цхьана дӏахьош болх ба из. 600 метрага кхоачаш турбаш я цу моттиге хувца езараш.
Каст-каста хин турбаш лелхаш, хатараш хулар цу моттиге хӏанзолца, из бахьан долаш дукха нах хий доацаш бусар. Шахьара да Оздой Руслан ше ваха, болхлошца къамаьл деш хилар. Къаьстта терко еш ба болх лакхача боараме, цхьаккха кхоачамбоацар доацаш чакхбаккхара. «Сердалога» из хоам тахан кхаьчар Наьсарен кхален администрацера.
Из болх дикка къахьегаш дӏахохьоргба шахьаре. Эггара тишагӏа йола моттигаш гучайоахаш, хин турбаш хувцаш, болх дӏахьоргба шахьаре. Хин лоаттадарцара хатараш лаьгӏдара тӏехьа чӏоагӏа лоархӏаме да из.
