Наьсаре сихонца кхоачашдир, мехка Кулгалхочо тӀадилла декхар
«Нахацара къамаьл» яха передача дӀахьош, республикан Кулгалхочо Келаматанаькъан Махьмуд-Ӏаьлас боахамашта, шахьара, кхален администрацена, иштта къахьегама моттигашта цхьацца декхараш тӀадаьхкадар. Наьсарен мэре жоп делар, хьалхашка лаьтта декхараш йиллача ханал хьалха кхоачашдаь йистедахарах. -
Мехка Кулгалхочунга дукха хаттараш кхаьчар вай республикан бахархошкара: Московски урам тӀа лампаш цаягарах, Лесной урам тӀа трансформатор цахиларах, иштта кхы дукхадарех а. ЛаьрххӀа йола тӀема операци дӀахьош веннача бӀухочун наьнагара Малсаганаькъан Ӏайнайгара, баха кхераме йолча фусаме бахача наха лаьрхӀа йолча программах, лохерча этажа тӀара квартира ехаш дар из дехар.
Наьха дехараш кхоачашдара болх, кхы тӀехьа ца боаккхаш, дӀаболабаьб «Нахацара къамаьл» яха передача чакхйоаллашехь, Малсаганаькъан Ӏайнайна чура паргӀата а йолаш, дика квартира яла оттаяьй. ЖКХ даькъ тӀара дехараш а иштта кхоачашдир.
