Терроризм яхача зулама духьалара классера сахьат дадихьар Наьсаре
Терроризма духьала къовсам лоаттабара тӀехьа цхьанкхетара Ди дар мехка. Цу тема хетадаь классера сахьат дӀадихьар шахьарерча политехнически колледже. Из хоам «Сердалога» бир «Даьхен лорбой» яхача ганза болхло йолча Джанхотанаькъан Мадинас.
«Эггара хьалха студенташа дагалаьцар 2004-ча шера тов бетта 1-ча дийнахьа Бесланерча ишколе бехк боацаш боабаь нах. Терроризм яхача доккхача зулама духьала массахана къовсам лоаттабе безилга, из во адамашта юкъера хоададаь дӀадоаккхаргдараш юкъекхувла дезилга дийцар СВО ветеранаша. Къонабарашта хьалхадаьккхар даиман фийла хила безилга, цу бӀехача гӀулакха нах тӀахьехарашка ладувгӀа йиш йоацилга, уж Ӏаьдала дӀагучабаха безилга», - йоах тхога бенача хоамо.
«Исторе урокаш дагалоаттаеш, цу тайпара хӀама нийслургдоацаш къахьега дезаш да вай тахан», - белгалдир СВО ветерана Шоанахой Муслима.
