Наькъашкара бокъонаш лораяра тӏахьийхар, Наьсаре машинашца лелараш
12.03.2026 11:53
«Машинаца водар, дӏадехьавалийта гӏаш водар» яха болам дӏабахьа арабаьлар тахан Наьсаре. Из хоам «Сердалога» бера цу моттигера.
«Хьатӏадоагӏача цӏайга кийчо еш хиларга хьежжа, геттара дукха машинаш йолаш, дикъá латт шахьарера наькъаш. Наьсарерча Россе ОГИБДД ОМВД, МВД болхлой, шоашца №11 йолча шахьарерча ишкола дешархой болаш, наькъашкара бокъонаш лораяра бахархой тӏахьеха арабаьлар. Наькъашкара бокъонаш лораеш дӏавахар мел лоархӏаме гӏулакх да белгалдеш дола каьхаташ дӏадийкъар бахархошта. Сабаре, фийла хила везилга; наькъаш дикъá латтача хана из хьал лорадар къаьстта лоархӏаме долга хьалхадаьккхар тахан», - йоах тха газетага бенача хоамо.
