Наьсаре цхьадолча урамаш тӀа сердал меттаотташ латт
Наьсарен администраце зарбан болх лелабераша аьлар, мэр волча Оздой Руслана тӀадиллача декхарах ГӀайрбик-хьажий, ТӀонганаькъан, Овшанаькъан Р.С. Хьаштаранаькъанг урамашка, иштта Базорканаькъан проспекта тӀа сердал чуйиллай.
Сердал кердайоаккхаш бола болх дӀахохьош ба шахьара кхыча даькъ тӀа, цу юкъе Осканаькъан урам болаш. Цул совгӀа, шахьара мэра куран кулгалхошта тӀадиллар, шахьара сердалонцара хьал ма дарра довзар.
«Массайолча моттигашка сердал хилийтара дӀахьош бола болх геттара дика ба, хӀана аьлча шахьара доазув довзара проекташ йоахача хана эшаш я из. Масала, парка сердал дикагӀа хила еза, дукха нах ца лелача урама сердалонал», - аьлар моттигерча кулгалхочо.
ХӀанз укх сахьате Тутайнаькъан, Наьсар-Кертерча урамаш тӀара ЛЭП хувцаш болх дӀахьош ба.
