Наьсаре хьалъяь йоалаш я, бераш деча дарбанчера котельни
Наьсаре кастлуш хьалъяь яргья блокех яь модульни оала котельни. Цо дерригача республикан бераш деча цӀенна йӀовхал лоаттаергья. Котельне низ ба 11,5 МВт, яхаш, дийцар мехка Кулгалхочун зарбан болх лелабераша.
Карарча хана, дукхагӀа бола болх баь баьннаб, цу юкъе кӀоаг баккхар, йӀовхала камераш оттаяр, лардашта лаьрхӀа йола плиташ тӀаяхкар а долаш. ХӀанз хий хьачудоаккха, гӀувнаш тӀа гӀозарч оттаду болх ба дӀахьош.
Бераш деча моттиге, из хьайийллача 2017 шера денз, белгалдеш дар ший доалахьа цун котельни цахилар. Цудухьа хӀанз котельни хьалъяь хиларо дарбанчен чухьнахьа йӀовхал лоаттае таро хулийтаргья, цу юкъе керда хьадаьча берашта лаьрхӀа палаташ, операционни, бераш хьадеш йола моттигаш а йолаш.
Из гӀишло балха юкъейоалаергья, ер шу чакхдалале.
