Наьсарен кхале АЗС балхага хьожаш ба
Наьсарен-Шахьара, Наьсарен кхален тӀахьожам лоаттабара, къахьегамца дувзаденна хьехамаш дарам а отдела болхлой, боахамашта юкъерча комиссеца цхьана, машенашта доагор чудувттача моттигашка хьожаш хилар.
Карарча хана 15 моттиге хьежаб, яхаш, хоам бу «Сердало» газетага ГӏалгӀай Республике гӀолла йолча Россе МЧС ГУ.
Из болх дӀахьош, кхоачамбоацараш а гучадаьлар, хьалхарча аргӀагIа дар цӀи йоаеш леладеча гӀирсий ха чакхъяьнна хилар.
«Дукха моттигаш я, АЗС нах бахача цӀеношта юхе хьалъяь. Цу тайпарча хьалашка хьожаш ба тӀахьожам бара йолча отдела болхлой, царна боагӀаш бола мах оттабергба», - аьлар Наьсарен-Шахьара, Наьсарен кхален отдела кулгалхочо, чурча гӀулакхий подполковника Къоастой Муслима.
Тӏахьожама болх йистебаьнначул тӀехьагӀа, цига зийнача кхоачамбоацарий боарамга хьежжа, АЗСа болх юхасоцабергба.
