«Из кхетаче дӀаяхьара бахьан дар, «Денала кӀира» аьнна дӀахьош хинна болам. Лоаман кадетий корпуса, мехка цхьаццайолча ишколай дешархой, къона эскархой, гварде къона ноахал, тIема декхар кхоачашдеш байнарий дезал, тамаш еш, хьежар росгвардейцаша гойтачунга. ОМОНа викалаша гойтар шоай балха тӀа, зуламхошца къовсам лоаттабеча хана нийслуш йола цхьацца моттигаш. Берашта бӀаргагуш, дукхаза вӀаштIарадаьча цӀеношкара зуламхо лоацаш моттиг гойтар. Омоновцаш иштта гойтар, эккхаш дола герз мишта хьадаккха деза. Режиссёра Ким Маринай «Массаза ха тӀа» яхача фильмо СВО даькъ тӀа кхача таро хилийтар хьаьший.

Цу кино го йиш яр Даьхе лораеш латтарий вахара оагӀонаш, царна хетар, бӀухоша дувцачунга ладувгIа таро яр», - аьлар тхога хоам бечо.

Йийлла наӀараш яха кхетаче дӀахьош, дешархошта дийцар Росгварди хьакхолларах, тӀема гӀирс лелабеча нахах лаьца; цар турпала, денала, майрала наькъаш го йиш хилар. Цу дувцараша берашта йицлургйоацаш йир из кхетаче.