Цу кхетачене баьхкарий таро хилар къаман тӀабувхабу гӀирс, истингаш, курхьарсаш го, цунга кийчбаь бар гойтам. Къаьстта наьха безам тӀабодаш бар суртий гойтам. Из хетабаьбар республикан гӀалашта, царна юкъе дар тӀоговзанчий-меттаоттадерий хьалхарча ишкола болх гойтараш, цига дийша арабаьннараш ба хӀанз гӀалгӀай гӀалаш тоаеш боахкараш.

Мехка паччахьалкхен зарбан болх лелабераша аьлар, цу кхетачене Франце культуран ассоциаце викалаш хиннаб, цул совгӀа цига хьажа баьхкаб моттигерча университета хьехархой, студенташ, ЮНЕСКО викалаш, иштта кхы дуккхабараш.

ГӏалгӀайчен культуран денош Париже хӀанз кхозлагӀа хулаш да, 2018-ча шера денз.. Кхетаче вӀашагӀйоллаш къахьийгар ва франко-гӀалгӀай Лотарингерча ассоциаце президент Боканаькъан Ӏийса.