Мини-футболах ловза арабаьлар «Плиево», «Барс» (Буро-КIала), «Гамурзиево», «Магистраль» (Плиево), «Сунжа» (Эбарг-Юрт), «Хамхи» (Шолжа) футбольни клубай доакъашхой.
Уж яхьаш дIахьош яр «Наркотикаш лелаерашта духьал къовсам лоаттабара» яха маIан долаш, 14-15 шу даьннарашта юкъе. Из, иштта, дIахьош яр «Наркотикаш лелаерашца къовсам лоаттабара» яхача цIерагIа, правительства хьалхадаккхарах. Турнир дIахьош новкъостал дир «Магистраль» ООО, иштта республика футбола Федераце.
Ловзар йистедоалаш араяьлар Дошалкъий-Юртара, Шолжера командаш. «Дошо» матч чакхъяьлар Дошалкъий-Юртарча командо котало а йоаккхаш, «Хамхи» — шоллагIа моттиг, «Барс» — кхоалагIа моттиг.
Белгалдаккха деза, бераш боккхача безамца лайзар, геттара цу ловзара терко тIа а йохийташ.
Котбаьннарашта, из вIашагIделлараша грамоташ а совгIаташ а делар, иштта ахча делар. Буро-КIаларча командо дика ловзарца котало а яккхар, иштта деза совгIат а делар цунна. ЛаьрххIа белгалбаьннарех бар Дошалкъий-Юртара Чедажнаькъан Саид, иштта «Хамхи» тIалатар Бунгуев Нух дикагIа вола бомбардир ва аьнна белгалвир, дикагIа вратарь — яха цIи ялар («Хамхи») Оздой Ислама.
