Мехкарча ЦУРа балхах дийцар паччахьалкхен кхетаче
Паччахьалкхе дӀайихьача кхетаче дийцар дӀадахача кӀира мехка доал деча моттиго дӀабихьача балхах. Къаьстта йоккха терко тӀаяхийтар кхетаче бахархой дехарашта.
ЦУРа болхлоша белгалдечох, хьакимаш оарцагӀбалар дехаш бархӀ хоам ба нахагара бена. Шолжа-Шахьарера бахархой леткъаш ба; дукха ха йоацаш хиннача михо гаьнаш легаеш, газа турбаш толхаеш зе даьд, яхаш. Из гӀулакх теркалдаьд, тоадаьд - газацара хьал меттаоттадаьд.
ДӀахо дола ворхӀ дехар хьакимаша тӀахьожам беш да. Иштта кхетаче белгалдир, «Инцидент-Менеджмент» яхача оагӀонга гӀолла 252 дехар кхаьчалга. 4 сахьатахи 47 минотахи латтача хана, жоп тийлар царна, ха чакхъяьлча, цхьа моттиг яр йисар.
«БоаггӀача боараме болх дӀахьолга да из, иштта дӀаходахьа деза из гӀулакх, бахархошца бувзам хила беза, ханнахьа хоам беш», - белгалдир мехкадаь зарбан болх лелабераша. Бахархошта къувлача хаттарашта юкъе эггара кастагӀа нийслуш дараш – ЖКХ (61,5%), токацара гӀулакх (7, 5%), наькъашкара хьал (4,8%), дешар (4,4%), иштта цу юкъе да хьехархошта алапи ханнахьа дӀацадалар.
