Ӏаьлий-Юрта дӀахо хьалъеш я дарбанче
Керда дарбанче хургья Ӏаьлий-Юрта кастта. Карарча хана чакхбаьккхар 30% -га кхоачаш болх ба. Из хоам «Сердалога» бир Мехкадаь зарбан болх лелабераша.
УнахцӀенон хьал тоадарах йолча моттигерча программан «ДӀаьха, кадай вахар» яхача къаман проектага гӀолла дӀахьош ба из боккха болх. Шозза вӀаштӀара яь хургья дарбанче. Цига хьаелларгья терапевта, хирурга, берий лора, акушер-гениколога кабинеташ, иштта физиотерапи, рентген хургда цига.
«Бахархошка боаггӀача боараме хьожаргйола, беррига кхоачам чубола паргӀата, дика дарбанчеш хьаеллара тӀехьа къахьег оаха тахан», - белгалдир вай мехкадас Келаматанаькъан Махьмуд-Ӏаьлас. ДӀадахача шера тов бетта дӀаболабир из болх.
30 унахочо цига Ӏовижа дарба де йиш йолаш хургья дарбанче, хӀаьта поликлинико 100 совгӀа саг тӀаэцаргва хӀара дийнахьа.
