Газацара хьал меттадоаладеш, болх ба ГIажарий-Юрта дIахьош
ГIажарий-Юртарча Iоахарганаькъан цIи лелаеча урамера бахархой боаггIача боараме газ хьаягIац, аьнна, латкъарах; цигара хьал тахка арабаьлар АО « Газпром межрегионгаз Наьсаре» яхача оагIонцара болхлой, кулгалхо Лаьнанаькъан Элберд хьалха волаш.
Газа оагIонцарча болхлоша белгалдечох, цу урамера газа турбаш телха, хувца езача хьале кхаьчалга гуш дар, цул совгIа кхерам боаржабеша яр, цудухьа газацара дIахоадайир уж. «Iоахарганаькъан цIерах болча урамера газ доал доацаш хиларах, дIахоадае еза аьнна соцам бир судага гIолла.
ГIажарий-Юртарча администрацена тIабиллар из болх. Кхерам боаржабеш йола турбаш газацара дIахоадайир. «БоаггIача боараме бахархошта газ лоаттаяр да тха декхар, цу тIехьа къахьегаш боахк тахан», - белгалдир «Газпром межрегионгаз Наьсаре» яхача АО оагIон кулгал деча Лаьнанаькъан Элберда.
Цу ураме керда турба чуйилла лерхI.
