Галашкара культуран ЦӀа тоаду балхаш чакхдаьлар
19.08.2025 10:28
Галашкара культуран ЦӀа йиллача ханал хьалха тоадаь даьлар. «Дезал» яхача къаман проекта «Дезалера лоархӀамедараши культураца дувзаденнараши» яхача оагӀонга гӀолла дӀабихьар из болх. Из хоам «Сердалога» бир Мехкадаь зарбан болх лелабераша.
Боккха болх ба цига чакхбаьккхар. КӀалхара кӀийле хийцай, тховнаш тоадаьд; хица, токаца, йӀовхалца дувзаденнараш кердадаьхад. Иштта, шоай болх дӀабахьа мел эшаш бола кхоачам кхаьчаб царга.
Мехкадас цу балхах дувцаш белгалдир: «Цигара хувцамаш духхьала гӀишлон хьал меттадоаладарца дувзаденна Ӏац, моллагӀча ханага кхаьчача бахархой хьал аттача доаккхаш, берий вахар хувцаш, лоархӀаме болх ба из».
