2025-ча шера бетта йолча программированена («бассейна») дIаязбеш я «Ишкол 21»
23.10.2024 14:16
Хоамий технологей оагIонца дешаш хургбараш къоастабергба, «Ишкол 21» дIахьоча 26 денах латтача «бассейна». Iан шоллагIча бетта 27-ча дийнахьа дIаболабергба «бассейна» болх.
С меттацара программировани, тоабанца болх дIакхахьар, иштта кхыдараш Iомадеш хургба студенташ цу 26 дийнахьа. Iан шоллагIча бетта 17-гIа ди тIакхачале, «Ишкол 21» яхача сайте дехар чудала деза дакъа лаца лаьрхIачо. Цул тIехьагIа, программироване тайп-тайпарча меттаех дола дешар дIахьош, болх бергба цар.
Цул совгIа, ИТ-моттигашка говзал Iомаеш ха йоаккхаргья хIара студента. Кхычахьара тIабаьхкача студенташта, дешар чакхдоаккхача юкъа Iе моттиг хургйолаш, «Smart отель» хьайийллай шахьаре. Хьехархой, студентий, мах бала ца безаш, Iе йиш йола моттиг я из.
