СКУиНТо дӀахьош ба во оамалаш дӀаяхара болх
Шолжерча кердача технологей колледжерча студентий во оамалаш дӀаяхара болх дӀахьош ба. Укх деношка, дешара моттиге говзанчашца вӀашагӀкхетар хилар, яхаш, хоам бу «Сердало» газетага из болх вӀашагӀбеллараша.
«Из дагадехар; кагирхошта юкъе малар, наркомани, во никъ лелабар хургдоацаш. Дешархошца къамаьл де колледже баьхка хилар Республикански психолого-хьехархой, лорий, вахарерча новкъостала центра кулгалхочун гӀонча Балайнаькъан М.М., психологаш Местой Х.М., иштта Меданаькъан М.И., ГӏалгӀай Республике гӀолла йолча МВД УНК йоккхагӀа йола лейтенант Йовлой Хьава.
Дувца оттадаь дош дар физически, психологически могашал лораяр; дешара хьалашца лерхӀамца, бехктокхамца хилар; шоашта дезаш дола балха дакъа хьахаржар», - йоах хоамо.
СКУиНТ белгала ма дарра, тахан латтача хьалашка кагирхой дукхача цатоамашка нийслуш хиларах; хоамий оагӀошка вахара тӀахьехамаш хиларах; лоархӀаме да цу тайпара хаттараш дувцар, студенташта хьехам балар.
