Бейна бӏухой дагалаьцар Буро кӏалхарча №1 йолча юкъерча ишколе
Буро кӏалхарча №1 йолча юкъерча ишколе кхетаче хилар, бейнача бӏухой дагалоаттама хетаяь, яхаш, дийцар «Сердало» газетага Гӏалгӏай Республикерча кагирхой гӏулакхех йолча Комитето.
«Оршот дийнахьа, берригача мехка гӏолла дездир Даьхен Бӏухой Ди. Цунца дувзаденна берий Даьхенцара безам совбоаккхаш, кхетам луш, Сийлахь- боккха Даьймехка тӏом лаьттача шерашка, шоай са ца кходеш, хьабьхкача бӏухой сий ду.
Дешархошта цу ханарча турпалхой исторически хоамаш довзийта цига баьхка хилар Гӏалгӏай Республике гӏолла йолча Россе судашкарча пирстопий Федеральни гӏулакха болхлой Оздой Мурад, Бештой Йоакъап. Таханарча заман турпал, Лаьрххӏача тӏема операце ветеран Шоанахой Муслима дийцар ший амалца, тӏема новкъосташца ювзаеннача моттигех», - аьлар хоамо.
Кхетаче яр, паччахьалкхен болхлоша, юкъарлон моттигаша дешархошта, кхувш боагӏарашта Даьхенцара безам совбоаккхаш, кхетам луш хилара сийрда масал гойташ», - аьлар кагирхой Комитете.
