Наьсарен-Шахьара №3 йолча юкъерча ишколе, «ЦхьанБаркалах» яха болам дӏабихьар
Гӏалгӏай Республикан Тароний центра аларах, Наьсарен-Шахьара №3 йолча юкъерча ишколе «ЦхьанБаркалах» яха хӏама довзара бола болам дӏабихьар, яхаш, дийцар «Сердало» газетага Гӏалгӏай Республикан РЦД зарбан болх лелабераша.
«Берашта довзийтар лоӏамхой Тароний центра балхах лаьца, волонтёрий проекташ, деррига балха истори. Практика дӏахьош луча хьехамах, бераш хьежар цу юкъера шоашта малагӏа гарга да, шоай таронаш кхоачашъяра наькъ тӏа де дезар белгалдир. Цул совгӏа, царна хьалхадаьккхар, волонтерий новкъосталца проекташ мишта лаха еза, ӏомадаьчох малагӏа дакъа юкъедаккха деза. Лекци дӏаяхьарах гуш дар дукхагӏа бола дешархой безам болаш хилар РЦД волонтёрий моттига юкъебоагӏаш хила», - аьлар хоамо.
«Волонтёрал - из гонахьара дуне хозагӏа, дикагӏа дара йола таро я. Тха проекташта юкъедоагӏаш хила - моллагӏа дола дика хӏама дӏадолалу эггара аттагӏа долча «баркалгара», иштта сага накъаваха цхьа гӏа баккхаргара, - аьлар лоӏамхой Тароний центра кулгалхочо Галай Назира.
