Ӏаьлий-Юрта дукха дешара моттигаш чуйола лицей хьайийллар
Ӏаьлий-Юрта лаьрххӀа хьайийллар №1 йола 704 дешара моттиг чуйоагӀаш йола лицей. Керда дешара моттиг накъайоалаш хургья, хьатӀадоагӀача шера бераш шин сменах деша аха дезаш хургдоацаш. Из моттигерча Ӏаьдало шийна хьалхашка оттадаь керттера декхар да.
Лицейна чуйоагӀаш я пхиъ гӀишло, цунца я таханарча заман 40 кабинет, царна юкъе лаьрххӀа йола технологе классаш, актови, спортивни залаш, библиотека. Ишкола даькъ тӀа спортивни майдаш, салаӀара йола моттигаш я. Къаьстта дола хьалаш да, могашал яйнача берашта лаьрхӀа.
Из ишкол хьаеллача ше къамаьл деш, ГӀалгӀайчен кулгалхочо Келаматанаькъан Махьмуд-Ӏаьлас лицея кулгалхочунна Хасенаькъан Миланайна елар моттиг кхолларца ювзаенна грамота. Из санна йола грамота эггара хьалха еннай ХӀХ бӀаьшере хьалхарча Паччахьа-Юртарча (Царскосельски) лицейна.
«Оаха дӀахохьоргба ГӀалгӀайчен дешар дегӀадоаладара болх, цунна керттера терко лоаттаергья, кагирхой къахьегама говзал совйоаккхаш», - аьлар Келаматанаькъан Махьмуд-Ӏаьлас.
