Берд-Юрта керда ишкол хьаелларгья
250 моттиг йолча кердача ишколе дешаш хургда Берда-Юртара бераш тӀадоагӀача шера. Эггара хьалхара юкъера ишкол я из цу юрта. Из хоам «Сердалога» бир Мехкадаь зарбан болх лелабераша.
ГӀажарий-Юртарча ишколе деша ухаш да, карарча хана, цу юртара 5-ча, 11-ча классашка дешаш дола бераш. 85 бер да цигара хӀара денна хьалдоаладер. Юртарча ишколе дешаш дола бераш а спорта зал, библиотека йоацаш, дукха кхоачамбоацараш долаш дешаш да готтача классашка.
2021-ча шера 25 моттиг йола хӀама дуа цхьа зӀамига гӀишло хьатӀахеттаяр ишколанна. Таханарча дийнахьа 98%-га кхоачаш, кийча я керда ишкол. Йоккхий, сийрда классаш, лаборатори, лорий кабинет, спортзал, кхетаченаш дӀакхухьа зал, кхача кийчбу моттиг йолаш, чӀоагӀа паргӀата, хоза я керда гӀишло.
«Кхыйолча дикача ишколашка гӀорташ хоза тоаяь я юртара ишкол. ХьатӀадоагӀача шера паргӀата йолча классашка деша аьттув хургба цигарча берий», - белгалдир Мехкадас. «Дешар» яхача къаман проектаг гӀолла дӀабихьар из боккха болх.
