Экстремизм яхача доккхача зулама духьалара кхетаче дӀайихьар Шолжа-Шахьаре
15.08.2025 09:23
Терроризм, экстремизм яхача доккхача зуламашта духьалара, цхьан истола гонахьара кхетаче дӀайихьар Шолжа-Шахьаре. Цу гӀулакха хьалхаэттар - къаман бувзамахи, политикахи, хоамехи йола Министерство.
Шахьара даь гӀонча вар кхетаче дакъа лоацаш, иштта администраце, прокуратуран болхлой, дийша нах. Кхетаче дийцар къонача тӀехьенца, цу зуламех из лораеш бола болх дӀакхахьарах, къаман, шоашта накъадаргдолча, пайдане хургдолча гӀулакхашта юкъе уж чулацарах.
Иштта теркаме лаьцар, бахархой цу оагӀонца дувзаденнарех бола кхетам лакхбеш йола кхетаченаш дӀакхахьар, цхьана дӀахьоча балхаца цу вонна духьала къовсам лоаттабарах дола дешаш.
