ГӏалгӀайчен Шолже терроризма духьалара кхетаче дӀайихьар
Шолжа мэре терроризма духьалара кхетаче хилар шахьара кулгалхочун гӀончас Беканаькъан Халида хьалхале лелаеш, Керттера дийцар дар дукха ха йоацаш базар тӀа цӀи яьнна моттиг нийсъенна хилар.
Гуллама доакъашхоша терко тӀаяхийтар массехк оагӀонна. ДукхагӀча даькъе цӀи ялара кхерамзлен Ӏалашо е езара; чоалхане хьал этта моттиг хилча, сихача новкъостала болхлой тоабаш кийча хила езара. Иштта хьалхадаьккхар хьехамаш дара болх цу даькъ тӀа дӀабахьа безилга, мах беш йолча моттигашкара хьал довза дезилга.
Беканаькъан Халида белгалдир, беррига бехктокхаме бола нах, цу тайпара хьал нийслургдоацаш, кийча хила безилга. Цо тӀадиллар Шолжерча къахьегамхошта, базарашкара кхерамзлен хьал тоадар, иштта кхыча мах беш йолча моттигашка из гӀулакх мишта латт хьажар.
