Шолже, тов бетта 1-гӀа ди хьатӀадарга, кхерамзлен Ӏалашо яьй
29.08.2024 14:36
ГӏалгӀайчен шахьарашка, юрташка керда дешара шу дӀадолалуш, берашта лаьрхӀа бола кхерамзлен Ӏалашо яра болх дӀабихьаб. Цу тайпара Шолжа шахьаре из декхар кхоачашдеш, дика къахьийгар. Из хоам «Сердало» газетага бир цигарча моттига доал деча наха.
«Шахьарерча итт ишколанна, йиъ берий беша тӀадолхаш дола наькъаш кердадаьхад, никъ шаьра а хоза а хургболаш къахьийгад, светофораш ӀоегӀай», - йоах хоамо.
Хьалхашка лаьтта декхар кхоачашдеш, 61 наькъа белгало,12 светофор оттаяьй. Цул совгӀа, 20 гаргга наькъа оасаш дахийтад, берашта наькъа дехьа-сехьа дала аттагӀа хургдолаш, никъ шаьра хургболаш тоабаьб тӀера.
Иштта моттигерча Ӏаьдало, цунна чубоагӀача болхлоша бахархошка дехар даьд, шоай берашца наькъ тӀа лоралуш хилара хьакъехьа къамаьл де, аьнна.
